YANG LAHIR TAHUN 80an & 90an MESTI INGAT...

Biskita yang lahir tahun 80an sama 90an mesti ingat masa sekolah rendah dulu, apa yang paling pemes... keh keh keh.. jgn kan nda mengakun ah!!!
- Kalau break tym... mun dalam ketel minumannya MILO... berabut tah tu takut nda ampit... hahaha

- Di library, bukan nya membaca buku banar pun... tp banyak nya liat gambar

- Pakai beg pensil yang boleh buka dapan belakang, lapas tu ada peraut tangah2 nya

- Pernah jua pakai beg pensil kotak pilim... pastu simpan gambar2 artis di minati... yang pemes dulu.. AWIE, ERRA FAZIRA, ZIANA ZAIN, TOM CRUISE, antah siapa kah lagi... krek kan bila di pikirkan... gagaga

- Pakai garisan yang begigi, yang dalamnya ada aing... lapas atu ada barang kilat2 dalam garisan atu

- Cigu makai garisan kuning panjang .Ada tampat migang lagi tangah2 nya, tp nda pernah pun nampak cigu migang sana... so apatah fungsinyaa tu??? kreativiti??? tia karang...

- Bulu ayam jadi SLIM coz selalu kana jadikan pengambat...

- Main game CONTRA, SUPERMARIO, STREET FIGHTER... semua pakai tape... muahahaha

- Jam tangan BOY LONDON jd idaman, psl ia boleh tukar2 warna ikut suhu cuaca.

- Balik sekolah membali Ding dang sama Tora. Membali semata-mata kan mau mainan nya... coklat nya bemakan pun nda... ;p

- Kasut belampung!!!, yang iklan di tibi blh menembak ALIEN ah... penipu basar...

- Main segopong, di angkut tah tu kesana kemari bekantung2...

- Ceta kartun; Power rangers, Ultraman,Transformers, Ninja turtles, Dragon ball,Thundercats, Maskman, Gaban, Doraemon... banyak lagi laa... iatah di tunggui tue.

* Jangan kamu kan nda mengakun semua atu ah... kenangan terindah bah tuee... nada kan di malu kan... mana kah semua dangan2 kitani bemain dulu atu, jangan lupa semua ani, pasal kanak2 karang ani nda sampat merasa apa yg tani rasa dulu. Kitani sentiasa perlu perubahan tapi asal usul kitani tetap sama.. Jadi jangan lupa dr mana kitani dtg... Cali kan bila pikir2 balik??? hehehe...