Isnin, 19 Januari 2009

KaRuT LaGi MeNGaRuT - SIARAN ULANGAN

Jam menunjukkan pukul 8 pagi. Habisss!!!! Aku lambat udah kan ke sekolah. Aku tarus ke jamban. Ku gosok gigi dengan keganasan. Tiba tiba barus gigi atu temasuk dalam kerongkongku. Aku ketawa kesakitan. Inda ku jadi mandi, menyamal ku.. tarus ku turun kan brekfaz. Tapi sarapan udah habis kana makan oleh seekong cicak. Ku marahi eh.. peduli ku apa. Cicak atu pun menangis dengan keinsafan. Bepalukan kami selama beberapa minit, menyasali pebuatan masing2.
Naik beskal ku kan ke skulah dengan kelajuan 150km/sj, aku sampai ke skulah walaupun lambat. semua orang udah mula belajar. Pagar lagi kana kunci, membari sasak eh, paksa tah ku beniang arah pagar sekolah. Sekali salah langkah cia ku.. aku gugur den parutku tecucuk arah pagar, bedarah tapi aku bediri dan tarus belusir masuk ke kelas, nda ku sadar rupanya… principal mengintip kediaku.
Sampai di kelas, Cigu Ramlah Ram membelasah kediaku dengan penyapu lidi, aku kegalian.. lapas atu aku duduk tarus untuk belajar..ASTAGA!!! lupa ku membawa beg sekolah tapi tebawa ku pulang tong gas, kana belasah ku lagi sekali tapi kali ani Cigu Ramlah Ram ngan semua student mengerajakan aku dengan penuh keriangan macam menyambut Hari Raya yang menjelang tiba. Tangan ku putus, pusat ku tebalah dua, gigi ku koyak sikit, hidungku tesumbat, mataku pelanting, jariku picak, lututku teburai.. meliat keadaanku yang sadis, dorang minta maaf den melayan aku dengan baik, dorang balikan aku burger di kantin sama milo pink!!! untuk mujuk aku, supaya aku nda gtau babah.. Nyummy…
Tiba tiba principal manggil, ani msti psl datang lambat. Aku bejalan ke bilik principal di tingkat 18, baru selangkah ku masuk biliknya, tarus ia mengikat kediaku sama menggigit kukuku, menerajang buah pinggangku sama menampar dahiku, beteriak jua ku tue.. sekali ia pun ikut teriak2 mcm org kana rasuk. Tiba tiba lagi aku dpt kuasa sakti, aku telapas dari ikatan dan ku ikat principal. Lapas tu ku buang ia ke bawah, ahernya ia mati. Mayatnya lapas tu di kerumuni oleh samut ngan lipan den ia kana makan. Semua orang meliat kejadian atu dengan hati terbuka, aku masih mental dan sasak tarus balik ke rumah dengan berjalan kaki sambil mengorek idung.
Dalam perjalanan tiba tiba seorang lipan menampar tulang belakangku. ‘apa lagi masalahnya kedia ani’ aku yang masih sasak ani menyerang lipan yang angkuh atu den kedia mengkarate bulu mata ku, aku teriak2 kesakitan. Ketawa kan nya ku. Aku dengan buasnya menggigit kerongkongnya. Lastnya mati ia jua, kemudian dengan gaya catwalk aku bejalan macam biasa… sampai jua ku ke rumah ahernya… Sukur sukur alhamdullilah, tarus tah ku mandi, pas tu tidur tah ku sambil mimpi indah menunggu hari esok…
Mengarut kan cerita ani??? Hehe.. ada rasa2 mcm kan menerajang ulu hatiku??? Sasak ngan cerita ani??? Haha… sapa suruh biskita baca??? Aku nda paksa pun… Ngeee… Mwahhh - di ulangi ani cerita siaran ulangan, harap maklum... keh3 so sapa yg baca dua kali, artinya dua kali tah ya kana tuee... lalalala... 'luncat2 smbil tarik2 rambut'

3 ulasan:

Tanpa Nama berkata...

Wkakkakakkkaa....lucu ehh crita aNi.
faham...ndak faham...itu dlm situasi semasa saya membaca crita Ni...masIh terngial2...apa kna mengena aRrrr! kakakka...Ni msti wat cta syok sendrikan..heheheh.anYwaY besT cta Ni...Kan Ketawa kluaR anak takak membaca crita aNi taW...all da best waT cta mcm ani g ekkk.sYok saya mmbaca nya.

AL!FF FA!ZAL berkata...

hehehe... ni story copy paste sj tp di ubah suai sikit... hehehe

STFX berkata...

haha..apaann~ketawa ucing ku meliyat ur post ni..haha pkir buat sndri upanya copypaste..ehe but mseh g agat laupun diubah suai=)